Transcription
1
Monseigneur, il a pleu à Dieu davoyr apellé monsieur de La
2
Chesserie que mest ung grande desplesir, ayant perdu an luy
3
lung des plus fidelles et affecssionné amy que jeusse et
4
vous proumetz quil est beaucoup regreté de tout le peuple et
5
an espessial du pouvre village d’Alixssan, de quel il estoyt
6
chatellain ; et pource que je masure que presantemant monsieur
7
de Sainst Rens voudra pourvoyr an la diste chatellenie
8
à sete houquasion, je prins lardiesse vous fère ce mot pour
9
vous supplier très humblemant vouloyr fère ce bien à monsieur
10
de Tancy mon nepveu ayant espouzé eugne de mes niepces de
11
La Tour, de prier le dist sieur de Sainst Rens lan vouloyr
12
pourvoyr, ce que je masure quil fera facillemant sil vous
13
plest y anplouyer votre faveur ; et mesmes que la diste chatelenye
14
a esté autres foys aux predecesseurs de dist Tancy et longuemant
15
demeuré an leur mezon ; vous fezant très humble requeste,
16
monseigneur, me perdonné cy je suys trop impourtune an votre
17
androyt ; et pour ne vous annuyer plus longuemant à mes
18
facheus discours, jy mettrey fin , vous bezant très humblemant
19
les meins, et à ce je feys requeste à Dieu vous donner
20
monseigneur, an parfecte sansté, heureuze et longue vie, avecques
21
lantier contantemant de voz plus requitz desirs. De Montelher,
22
ce 3me febvrier
23
votre très humble à vous fère très
24
humble servisse honorade deurre